Cebriñas no laboratorio

Un ano máis , e xa van uns cuantos,  preparámonos para iniciar un novo programa de cultivo e cría do peixe cebra no laboratorio.

O peixe cebra é unha nova especie que se emprega como modelo nos proxectos de investigación, como tamén  o son o coñecido rato de laboratorio, a mosca da froita ou a Escherichia coli, entre outras..

Os investigadores, fixaron os seus ollos nel pola faciidade de cría, o custo baixo de obtención e mantemento, e as posibilidades nos distintos proxectos de investigación. Entre as súas características destaca a altísima capacidade de rexeneración, o cal abre novas posibilidades na medicina rexenerativa de órganos na especie humana.

No laboratorio temos tres acuarios e toda a parafernalia para o seu mantemento e cría: termostatos, filtros, parideiras, tiras de control de calidade da auga, etc, etc.

O alumnado participante neste proxecto encárgase do funcionamento da peceira, a alimentación dos peixes, o control dos parámetros físico-químico-biolóxicos, a limpeza e todoas as actuacións necesarios para manter a peceira e os nosos peixes nunhas condicións óptimas. Únicamente deste modo poderemos abordar o reto máis grande de todos: a cría dos peixes e o seu estudo. Ao ser os ovos transparentes podemos seguir todo o proceso de desenvolvemento embrionario e de formación dos distintos órganos dende o zigoto ata que eclosiona e se converte en adulto.

Todo un desafio para este novo curso 2020-2021  que comeza, todo hai que dicilo,  con certa inquietude e baixo a ameaza dun "pirata" das nosas células, que está en permanente estado de alerta para aproveitar calquera descuido e colarse sin invitación nas nosas vidas: o  famosísimo SARS-Cov 2.