Fabricando Ferro

No Club de Ciencias do CPPI dos Dices, e moi a pesar das dificultades que a pandemia do coronavirus está causando a toda a comunidade educativa, tentamos de continuar mantendo as nosas actividades,  ainda que lóxicamente a un ritmo e intensidade moi inferior a de anos anteriores. As mascarillas, os xeles hidroalcohólicos e os rollos de papel de limpeza, forman parte dos novos materiais do laboratorio, en donde desenvolvemos boa parte da nosa actividade.

E desta vez decidimos experimentar co mundo da química, concretamente cunha reacción que é usada dende hai moitos anos con distintos fins: a "aluminotermia". Estas reacións usan o aluminio como redutor para obter distintos metais a partires dos seus óxidos.

No noso caso usamos o aluminio para reducir o óxido de ferro (III) e así obter ferro metálico, proceso que é usado entre outros, para a soldadura de railes nas vías férreas.. 

Para facer a reacción mesturamos 20 gramos de Óxido de Ferro (III) en pó, con Aluminio puro,  tamén en pó. Ademais como catalizador empregamoss un pouco de Dióxido de Bario. Por último como mecha para iniciar a reacción usamos unha tira de Magnesio, previamente raspada para eliminar o óxido que ten sobre a súa superficie. A temperatura da reacción acadada é moi alta, do orden dos 2000 grados centígrados, polo que nos poñemos a unha distancia de seguridade razonable e debidamente protexidos para evitar accidentes.

Ni que dicir que continuaremos, na medida das nosas posibilidades, con novas actividades que podan seguir satisfacendo a nosa curiosidade pola ciencia.