Os Foguetes de Azucre

Durante este curso,  unha das actividades "estrela" que levamos a cabo no Club de Ciencia do CPPI dos Dices foi a elaboración de foguetes de azucre.
O reto era doado, poo menos a primeira vista, ainda que logo resultou non selo tanto. Para facelo o primeiro que habia que facer era mesturar 35 gramos de azucre con 65 gramos de nitrato potásico. O azucre mercámolo no super e era azucre glas en pó. O nitrato potásico é un abono moi común en agricultura. Polo tanto fomos mercalo a un viveiro de plantas. Esta mestura non funcionou, xa que o que nos venderon por nitrato potásico non o era. No seu lugar vendéronnos "potasa", que é unha mestura de compostos de potasio.
Ainda que o nitrato potásico era doado de mercar por internet, onde o venden baixo o nome comercial de "salitre", o final mercámolo de laboratorio aproveitando un pedido.
Esta vez a mestura si que funcionou. Tras medir e pulverizar as cantidades cun mortero, secámos os compoñentes nunha estufa eéctrica e a continuación introducimos a mestura nun tubo de PVC, cuxos extremos estaban tapados por sendos tapóns de area de gato. A area de gato mercámola nunha tenda de mascotas , e ademais de ser cara e de excelente calidade, non funcionaba porque os tapóns se desfacían. Polo tanto fomos de novo o super e mercamos a máis perralleira e barata que había e funcionou as mil maravillas.
A emoción foi grande cando vimos ascender o primeiro foguete cara o ceo; emoción que foi frustrada rápidamente pola ponla dunha árbore que se interpuso no seu camiño.
Na  2º proba, o foguete despegou perfectamente, ainda que o forte vento fixo que se desviara da vertical e fora nunha dirección non prevista.
Non temos a menor dúbida de que os próximos intentos van a ir dereitiños a estratosfera...
No vídeo adxunto podedes ver cómo se levou a cabo a experiencia.

Club de Ciencia do CPPI dos Dices