Proxecto Tyto (3)

 Proxecto Tyto (3)

Este ano foi un ano de sobresaltos para as nosas curuxas. 

Cando chegamos ao centro no mes de Setembro (2020), atopámonos coa desagradable sorpresa de que o centro estaba ches de andamios, e os obreiros estaban traballando nas cubertas. Cando remataron as obras, fomos correndo a poñer a cámara e descubrimos que as nosas curuxas non daban sinais de vida...e así sería durante os próximos 4 meses. A nosa teima de que as obras espantaran as curuxas parecia confirmarse.

 Foi, sen embargo, polo mes de Xaneiro-Febreiro deste ano , cando descubrimos que as curuxas andaban de novo no seu fogar, e que ademais a parella estaba na faena para traer novas curuxas ao mundo. Xa o ano pasado traeran 4 crias (que nos sepamos) ainda que unha apareceu morta no chan, precisamente a que era máis cativa de todas. Constatamos a supervivencia de dúas crías que acadaron un tamaño case tan grande como os pais.

Nestes momentos ainda non se ven as crías, pero como xa acaban as actividades do club de ciencia, non poderemos expoñer os resultados ata o ano que ven.

Desgraciadamente, unha nova ameaza pon en risco a supervivencia das nosas curuxas, e é que as cubertas do centro van a ser sustituidas. 

Intentaremos por todos os medios que se respete o buraco no cal viven as curuxas, pois xa forman parte da comunidade "educativa", e que podamos seguir disfrutando da súa presencia por moitos anos.